Poslovne vijesti - Makedonija

Македонија го зголеми долгорочниот кредитен рејтинг

Агенцијата Фич го зголеми долгорочниот кредитен рејтинг на Македонија од ББ + со стабилен изглед во ББ + со позитивен изглед за странска и домашна валута.

Според Министерството за финансии, подобрување на кредитниот рејтинг се должи на програмата на владата за создавање на позитивна бизнис-клима и привлекување на странски директни инвестиции.

Тринаесет држави од кои 11 европски имаат кредитна оценка ААА на трите меѓународни рејтинг-агенции - американските Мудис (Moody's), Стандард енд Пурс (Standard and Purs), и француско-американската Фич (Fitch).

Најдобрите "ученици" од еврозоната според трите агенции, се Германија, Австрија, Финска, Франција, Луксембург и Холандија. До нив се Данска, Норвешка, Велика Британија, Шведска и Швајцарија како и Канада и Сингапур.

Тринаесет држави со оценка ААА имаат и "стабилна" перспектива што значи дека оценката не се очекува да биде намалена во следните 6 до 24 месеци.

Поразлично е со другите држави-членки на Г-20 или ЕУ во кој само Австралија и САД се со ААА од најмалку една од трите агенции. Австралија има тројно А кај Стандард енд пурс и Мудис, но го загубила кај Фич (АА+) со стабилна перспектива. САД чија оценка беше намалена на АА+ со негативна перспектива од Стандард енд пурс имаат и понатаму највисока оценка кај другите две агенции, но се под набљудување кај Мудис и со стабилна перспектива кај Фич.

Оценката пониска BBB-или BAA3, значи дека кај тие држави долгот им е спекулативна инвестиција од најмалку една рејтинг-агенција. Таков е случајот со Ирска, Португалија, Индонезија, Турција и Аргентина. Веќе неколку години тие агенции ја намалуваат оценката на Грција која сега е на ниво на "делумна платежна неспособност" и негативна перспектива. Мудис го стави рејтингот на Атина на ниво Ца - едно ниво пред банкрот.